«Дикий Арманды» қамауда ұстау мерзімі 2 айға ұзартылды

«Дикий Арман» лақап атымен танымал Арман Жұмагелдиевтің қамауда ұстау мерзімі 2023 жылдың 7 наурызына дейін ұзартылды.

«Алматы қаласының мамандандырылған ауданаралық тергеу сотының мәліметі бойынша 2022 жылғы 29 желтоқсандағы сот қаулысымен сотқа дейінгі тергеу органының өтініші қанағаттандырылды. Азамат Д.-ға қатысты қылмыстық іс материалдарымен танысу кезеңінде қамауда ұстау мерзімін 2 ай мерзімге, яғни 2023 жылдың 7 наурызына дейін ұзарту туралы санкция берілді», - деп мәлімдеді Алматы қаласы сотының баспасөз қызметі.