03 Қараша, 2021 Экономика
Фото: Ашық дереккөз
Ұлттық экономика министрі Әсет Ерғалиев азық-түлік қымбатшылығына байланысты пікір білдірді.
– Бағаның өсуіне қатысты айтатын болсам, маусымдық өзгерістер болуы мүмкін. Желтоқсан айында мереке күндері азық-түлік бағасы көтерілетінін бәріміз жақсы білеміз. Біз бәріміз жаңа жылға дайындалып жатырмыз, бағалар үнемі өсіп келеді. Бәрінен бұрын азық-түлік қымбаттайды, – деді Әсет Ерғалиев мәжіліс кулуарында.
Сондай-ақ министр қазір дүкенде нан мен картоп қанша тұратынын және өзі азық-түлікке айына қанша жұмсайтынын айтты.
– Нан 130 теңге тұрады, түріне байланысты. Картоп 425 теңге шамасында. Азық-түлікке айына 50-60 мың теңге жұмсаймыз. Барлық отбасылар сияқты қант, ұн, сүт аламыз, – деді ол.
Қазақстанда қымбатшылық салдарынан тапқан табысты тұтыну тауарларына жұмсау көрсеткіші алдыңғы жылдарға қарағанда едәуір өскен.
Қамшы тілшісіне тұрғындар айлығының көп бөлігін азық-түлікке жұмсайтынын, қымбатшылық салдарынан айлығы жетпейтінін айтқан.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір