• USD 424.68

  • EUR 499.76

  • RUB 5.77

  • CNY 65.6

25 Шілде, 23:10:20
Алматы
+26°
Алматы қаласы қалалық мобилділік басқармасы алдағы сенбі-жексенбіде қоғамдық көлік штаттық режимде жұмыс істейтінін мәлім етті.

"Көптеген сұраныстардың түсуіне байланысты демалыс күндері қалалық қоғамдық көлік штаттық режимде жұмыс жасайтындығын хабарлаймыз" делінген басқарма төрағасында.

Бұған дейін "қызыл аймақтағы" өңірлерде карантин шектеулерін күшейту туралы шешім қабылданған.

Оған сай:

- "Ashyq" жобасына қатысатын объектілерді қоспағанда, қалааралық, облысішілік, қалалық тұрақты және тұрақты емес (туристік) автобус және шағын автобус тасымалдары,  жабық жағажайлар мен аквапарктардың қызметі тоқтатылады.

Демалыс және мереке күндері:

- қоғамдық көліктің;
- "Ashyq" жобасына қатысушыларды қоспағанда, қоғамдық тамақтану объектілерінің;
- "Ashyq" жобасына қатысатындарды қоспағанда, фитнес-орталықтардың, фитнес-клубтардың, йога-орталықтарының, спорттық-сауықтыру объектілерінің, сауналардың, СПА-орталықтардың, бассейндердің;
- "Ashyq" жобасына қатысатындарды қоспағанда, кинотеатрлардың, театрлардың, концерт залдарының, филармониялардың, компьютерлік клубтардың, боулингтердің, бильярдтың, караокенің, көрмелердің;
- "Ashyq" жобасына қатысушыларды, ашық базарларды, жәрмеңкелерді қоспағанда, ауданы 2000 м2 дейінгі азық-түлік емес тауарларды өткізу жөніндегі объектілердің;
- "Ashyq" жобасына қатысушыларды қоспағанда, спорт объектілерінің (спорт кешендері, спорт мектептері, спорт клубтары, жаттығу залдары);
- білім беру орталықтарының, балалар мен ересектерге арналған үйірмелердің, балаларды дамыту орталықтарының;
- "Ashyq" жобасына қатысатындарды қоспағанда, фудкорттардың қызметіне ТЫЙЫМ САЛЫНАДЫ!

Жұмыс күндері қызметтері шектеледі:
- "Ashyq" жобасына қатысатын фитнес-орталықтардың, фитнес-клубтардың, йога-орталықтардың, спорттық-сауықтыру объектілерінің, сауналардың, СПА-орталықтардың, спорт объектілерінің, бассейндердің қызметі 20-00 сағатқа дейін;
- ОСО, сауда үйлерінің, сауда желілерінің "Ashyq" жобасына қатысуына қарамастан сағат 18-00-ге дейін;
- "Ashyq" жүйесіне қатысатын қоғамдық тамақтану нысандары, фудкорттар – сағат 20-00 дейін;  - "Ashyq" жүйесіне қатыспайтындар сағат 18-00-ге дейін.

16 шілдедегі жағдай бойынша Нұр-Сұлтан, Алматы, Шымкент қалалары, Ақмола, Ақтөбе, Атырау, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары "қызыл" аймақта.

"Қамшы" сілтейді
Ілмек сөздер: қоғамдық көлік

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір