Картоп пен сәбіздің бағасы қашан арзандайтыны белгілі болды

Сауда және интеграция министрі Бақыт Сұлтанов картоп пен сәбіз бағасы қашан арзандайтынын айтты. 

– Көрші Өзбекстанда да сәбізбен осындай проблема болды. Ол жақта да бұл өнімдерге сұраныс жоғары. Қазір біз тиісті өнімдерді жеткіздік. Бүгінде картоп бағасы біртіндеп төмендеп жатқанын көріп отырмыз. Күз кезінде тағыда төмендейді деген болжам бар, – деді Бақыт Сұлтанов баспасөз брифингте.

Оның айтуынша, биыл сәбіз бүкіл егіс алқаптарында аз шыққан. Тапшылық тек Қазақстанда ғана емес, көрші мемлекеттер де байқалған.

Соңғы айда қазақстанда кортоп пен сәбіз бағасы күрт өскен. Үкімет қымбатшылықты маусымдық жағдаймен, өнімнің шетелде де қымбаттауымен түсіндірген.