16 Ақпан, 2021 Әлеумет
Фото: көрнекі сурет
Алматыда нан сатып алуға шектеу қойылды. Енді бір адамға бес наннан артық сатылмайды. Бұл туралы Алматы қаласы кәсіпкерлік және инвестициялар басқармасының баспасөз қызметі мәлімдеді.
Нан сатылымының шегі ХБК "Ақсай" компаниясының дүкендерінде орнатылған. Бұл тәжірибе қазірдің өзінде қолданылуды. Олар қалалықтарға алаңдайтын ешнәрсе жоқ екенін айтты.
"Кей кездері мұндай шектеулер енгізіліп тұрады. Бұл – үнемі жасалатын тәжірибе. Аталған шаралар төмендетілген бөлшек сауда бағасымен нан тапшылығын болдырмау үшін қабылдануда. Шындығында, біз өнімдердің бағасын бекітеміз. Алайда диллерлер қымбат бағамен қайта сату үшін таңертең нанның барлығын сатып алады. Содан кейін тұрғындарда қалада нан жоқ және бәрі қымбат деген пікір қалыптасады. Шындығында олай емес. Сондықтан біз сатуға осындай шектеулер енгізіп жатырсыз", – деп хабарлады олар.
Шектеу тек фабриканың сату бағасымен сатылатын фирмалық дүкендерге қатысты екендігі хабарланды. Қаладағы басқа дүкендерде мұндай шектеулер жоқ.
Жалпы, "Ақсай" ХБК әлеуметтік нан өндірісі бұрынғы деңгейде қалып отыр. Тиісінше, қаланың дүкендерін өнімдермен қамтамасыз ету көлемі азайған жоқ. Бұған дейін әкімдік арасында жасалған келісім аясында "Ақсай" ХБК фабрикада нанның бағасы 75 теңгеден бекітілді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір