Halyk Bank кәсіпкерлерге тамаша мүмкіндік сыйлап отыр: "10 минут ішінде шот ашыңыз"

Halyk Bank кәсіп бастауға шешім қабылдаған кез келген азаматқа банк бөлімшесін араламай-ақ жұмысының көп бөлігін оңай әрі жылдам шеше алатындай мүмкіндік сыйлап отыр. Енді жеке кәсіпкерлікпен айналысатындар бұрынғыдай ұзақ кезекте тұрмай, үйден шықпай-ақ, еш қиындықсыз шот аша алады.

Кәсіпкерлер бұрын банк бөлімшесіне бару үшін өзінің жұмыстарын кейінге шегеріп, бизнесін ысырып қоюға мәжбүр болатын. Бұдан бөлек белгілі бір банк операциясын жасау кезіндегі қағазбастылық, құжаттарды дайындау да адамдарды шаршататыны анық.

Енді мұның бәрі келмеске кетті. Нalyk Bank клиенттермен тиімді әрі нәтижелі қарым-қатынас жасап қана қоймай, тұтынушылар қолайлығына бас назар аударып отыр. Мәселені цифрлы деңгейде сапалы түрде шешу жолында банк кәсіпкерлерге су жаңа қызметін ұсынады. Бұл – жеке кәсіпкерлерге арналған бірегей мүмкіндік онлайн шот ашу. Банк енгізген онлайн-онбординг жүйесі арқылы енді жеке кәсіпкерлер шотты жедел әрі сапалы түрде небәрі 10 минутта аша алады.

Онбординг – бөлімшеге келмей-ақ банктен шот ашып, барлық қызметті қашықтан алу қызметі.

Бәрімізге белгілі, Қазақстанда заңды түрде жұмыс істеу үшін компаниялардың есеп шоты болуға тиіс. Қызмет сапасы таңдаған банкке байланысты болмақ. Себебі банктер кәсіп жүргізгенде жеке шотты қолдануға тыйым салады. Кәсіпкерлер қаржылық-несиелік ұйымдармен серіктестік шарттарын заңды тұлғалармен бірлесе отырып, қарастырады.

Көптеген жеке кәсіпкерлерге қаражатты жіберіп, қабылдау үшін, шот керек және ол өз кезегінде адамды негізгі жұмысынан алаңдатпайтындай, ұзын-сонар кезекте күтіп уақыт алмайтындай, керісінше тез әрі жеңіл жасалуға тиіс.

Halyk Bank енді тек өз клиенттеріне ғана емес, кез келген тұтынушыға онлайн шот ашу мүмкіндігін ұсынады. Ол үшін тек видеотексерістен өту қажет. Сол кезде банктің барлық тауарлары мен қызметтерін ала аласыз.

Halyk Bank жеке кәсіпкерлер үшін шотты онлайн ашуға мүмкіндік берген Қазақстандағы алғашқы банктердің бірі.

Шотты қалай ашамын?

Жеке кәсіпкер openaccount.onlinebank.kz сайтына кіріп, өз ұялы телефон нөмірін жазады, бұл нөмір электронды үкімет порталындағы мобильді азаматтар дерек қорына тіркелген болуға тиіс. Келесі қадам, электронды үкімет порталына тіркеліп, Onlinebank порталында тексеріс және тіркелу процесінен өту керек.

Онлайн шот ашу жобасын іске қосуда жаңаша банк атқарымдары, OAuth Egov.kz (ҚАТ АҚ), Электронды цифрлық қолтаңба (ЭЦҚ), Liveness онлайн видео тексеріс жүйелері қолданылды.

Halyk Bank-те енгізілген және жұмыс істейтін кәсіпкерлер үшін шотты Онлайн ашу – бұл әлемдік өлшем бойынша бірегей жоба. Жұмыс барысында көптеген жаңа технологиялық компоненттер іске асырылды, беделді консультанттар, Мемлекеттік онлайн сервистер тартылды, жұмысқа жаңа тәсілдер қолданылды.

Ең бастысы, Onlinebank қосымшасын жүктеу қажеттілігін атап өтейік, себебі банк қызметін сыртқа шықпай, осы қосымша арқылы жүзеге асыруға болады.

Halyk Bank шағын және орта бизнес бойынша сату департаментінің директоры Альфия Жексенбай аталған жоба Қазақстанда теңдесі жоқ екенін айтады.

Halyk Bank ұсынған онлайн шот ашу сапалы цифрлық сервисін кесіпкерлер қашықтан ала алады. Осылайша, қазақстандық банк заманауи тиімді әрі оңтайлы тәсілдермен отандық кәсіпкерлікті дамыта түспек.