14 Шілде, 2020 Барлық аймақтар
Көрнекі сурет
2020 жылғы қаңтар-маусымда бөлшек сауда айналымы 2019 жылғы сәйкес кезеңмен салыстырғанда 12,6%-ға төмендеп 4,6 трлн теңгені құрады, деп хабарлады lsm.kz.
Сауданың жалпы көрсеткішіндегі азық-түлік тауарларының үлесі 37,8%-ды (1,7 трлн теңгеден астам), азық-түлік емес тауарлардың үлесі 62,2%-ды (2,8 трлн теңгеден астам) құрады.
Бұл ретте азық-түлік өнімдерін сату 0,9%-ға, ал азық-түлік емес тауарларды сату 18,6%-ға азайды.
Жарты жылда бөлшек саудадағы ірі сауда кәсіпорындарының үлесі 61%-ды (2,8 трлн теңгеден астам), ал жеке кәсіпкерлер мен қалалық базарлардың үлесі 39%-ды (1,8 млрд теңгеге жуық) құрады.
2020 жылдың басынан бастап елдегі көтерме сауда 10,1 трлн теңгеден асты (7,9%-ға төмендеді).
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір