18 Ақпан, 2020 NEWS
Ашық дереккөз
Қордай ауданының полиция қызметкерлерімен төбелескен 3 жігітке қатысты тергеу аяқталды. Бұл туралы Бас прокуратураның баспасөз қызметі хабарлады.
7 ақпанда Қордай ауданының Сортөбе ауылында полиция қызметкері Воинги Л. жүргізген Honda Odyssey көлігін тоқтатқан.
"Қажетті құжаттардың болмауына байланысты полицей Воингви Л.-ға полиция бөліміне баруды ұсынған. Алайда ол полицейдің талаптарын орындамай, оған қарсы шыққан. Кейін ол үйіне барып, өзінің Воингуй А. и Воингуй М. атты ағаларымен бірге полиция қызметкеріне күш көрсеткен. Олардың төбелескен видеосы әлеуметтік желіге тарап кеткен", - делінген хабарламада.
Осы факті бойынша Бас прокуратураның арнайы прокуроры Қылмыстық кодекстің 380-бабы 1-бөлігі («Билік өкіліне зорлық-зомбылық қолдану») бойынша сотқа дейінгі тергеу жүргізді.
Үш айыпталушы өз кінәсін толық мойындап, тергеу сотының келісімімен қамауға алынды. 14 ақпанда қылмыстық іс айыптау қорытындысымен Қордай аудандық сотына жіберілді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір