14 Шілде, 2019 Оқиғалар
Жамбыл облысында жол апатынан полиция қызметкерлері қайтыс болды
Жалпы үш адам қаза тапқан
Полицейлер мінген қызметтік көлік пен көші-қон заңнамаасын бұзған шетелдік азаматтар Алматы - Екатерингбург тасжолында жол апатына ұшырады деп хабарлайды Qamshy.kz ақпарат агенттігі Жамбыл облыстық ПД баспасөз қызметіне сілтеме жасап.
Тасжолдың 380-шақырымында SsanYong маркалы автокөлік аударылғаны туралы хабар Жамбыл облыстық полиция департаменті кезекші бөліміне 13 шілдеде 17:35-те түскен. "Жол-көлік оқғиасы салдарынан Мойынқұм аудандық полиция бөлімінің екі қызметкері және бір Өзбекстан Республикасының азаматы қаза тапқан.
Жол-көлік оқиғасы көші-қон заңнамасын бұзғандарды жеткізу кезінде болған", - делінген хабарламада. Осы дерекке қатысты ҚР Қылмыстық кодексінің 345-бабы 4-бөлігі ("Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы") бойынша сотқа дейінгі тергеу шаралары жүргізіліп жатыр.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір