Үлкен Алматы көлі маңында Аустралия азаматы жоғалып кеткен 

Алматы қалалық ТЖД–ның мәліметінше, құтқарушылар мен "Доброспас" еріктілері  Үлкен Алматы көлі маңында жоғалып кеткен  1995 жылы туған Аустралия азаматын іздеуге жіберілген. 

"Хабарлама Алматы қаласы полиция департаментінің жедел басқару орталығы кезекшісінен түсті. Кешкі тоғызда хостельден шыққан ер адам Үлкен Алматы көлі бағытында шығып, қайта оралмаған. Оқиға орнында жедел штаб құрылып, қаланың барлық жедел қызметтері тартылды", – деп хабарлады ТЖД.

Еріктілердің айтуынша, 21 мамыр күні Herd Jake Michael есімді Аустралияның азаматы Үлкен Алматы көліне кетіп, қайта оралмаған.