Сот көпбалалы әкені ата–ана құқығынан айырды

Астанадағы кәмелетке толмағандардың ісі жөніндегі мамандандырылған ауданаралық сот балаларына қатыгездікпен қараған көпбалалы әкені ата–ана құқығынан айырды.

"Балаларға үнемі агрессия көрсету психоэмоционалдық жағдайға қатты әсер етеді. Соның нәтижесінде балаларда қорқыныш, өзіне деген сенімсіздік, суицидтік ойлар, депрессия пайда болады. Психологиялық және медициналық сараптаманың қорытындысы көпбалалы әкенің балаларын қатігездікпен өсіріп жатқанын растады. Шешім шығаруда балалар мен куәгерлердің түсініктемесін негізге алдық", – деді сот.

Сот айыпталушыны ата–ана құқығынан айырып, барлық табысының тең жартысынан алимент өндірді. Шешім заңды күшіне енді.