10 Сәуір, 2023 NEWS
Фото: Ашық дереккөз
Қытай армиясы Тайвань маңында әскери жаттығу өткізіп жатыр, деп хабарлады informburo.kz
Бүгін Тайвань маңында Қытайдың 59 әскери ұшағы байқалған. Ведомствоның мәліметінше, 39 ұшақ Тайвань бұғазын кесіп өтіп, Тайвань әуе қорғаныс аймағына енген.
Бұған дейін, Тайвань президенті Лос–Анджелесте АҚШ Өкілдер палатасының спикері Кевин Маккартимен кездескен болатын. Кездесуден кейін Қытай билігі Тайвань аумағында үш күндік әскери жаттығу бастағанын жариялады. Жаттығу кезінде ҚХР–ның 71 ұшағы мен әскери кемелері аралды қоршау схемасын әзірлеп, Тайваньның негізгі нысандарына шабуыл жоспарын құрған.
Аралда блокада құруды көздейтін оқу–жаттығуға Қытайдың бомбалаушы ұшақтары мен әскери кемелері қатысып жатыр.
Бұған дейін АҚШ Қытай басып кірсе, Тайваньға әскер жіберуге дайын екенін мәлімдеген болатын.
Еске сала кетейік, Қазақстан Тайваньның тәуелсіздігін мойындамайды.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір