• USD 468.56

  • EUR 497.56

  • RUB 7.3

  • CNY 67.18

28 Наурыз, 14:58:15
Алматы
+35°
 
Мемлекеттік кірістер жөніндегі комитет төрағасының орынбасары Қайрат Миятов "Қазақстан Республикасы азаматтарының төлем қабілеттілігін қалпына келтіру және банкроттығы туралы" заң жобасының ашық талқылауы кезінде көпті толғандырған сұрақтарға жауап берді.
 
Қайрат Миятовтың айтқандары төменде тезис түрінде ұсынылып отыр:
 
♦ Соттан тыс банкроттықты (қарызды төлей алмайтынын растап, оны төлеуден босатылу - ред) банк алдындағы берешегі 1600 АЕК  – 4 млн 900 мың теңгеден, отбасыдағы әр адамның табысы төменгі күнкөріс деңгейінен (36 018 теңге) аспайтын жеке тұлғалар рәсімдей алады;
 
♦ Банкрот деп жарияланған адам үш жыл бойы елден шыға алмайды, бес жыл бойы кредит пен микроқаржы ұйымдарынан қарыз ала алмайды, қайтадан өзін банкрот деп жариялауға тек жеті жылдан кейін рұхсат етіледі;
 
♦ Заң қабылданғаннан кейін банктер кредит беру саясатын қатаңдатып, қарыз алушының төлем қабілетін жіті тексеруі мүмкін, өйткені өтелмеген қарыз кредитордың мойнына ілінеді;
 
♦ Өзін қасақана банкрот деп жариялағандар анықталған жағдайда алаяқтық бабы бойынша қылмыстық жауапкершілікке тартылуы мүмкін;
 
♦ Банкрот деп жарияланған азаматтар қаржы сауатын арттыратын курстардан өтуге міндеттеледі.
"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір