17 Қазан, 2021 Әлем
Фото: rossaprimavera.ru
16 қазан күні Өзбекстан мен Ауғанстан шекара қауіпсіздігін қамтамасыз ету, сондай-ақ Ауғанстан арқылы өтетін көлік дәліздерінің құрылысы туралы келіссөздер өткізді. Бұл туралы Өзбекстан сыртқы істер министрлігі хабарлады.
Өзбекстан делегациясын премьер -министрдің орынбасары -инвестициялар және сыртқы сауда министрі Сардор Умурзаков, Ауғанстан тарапын Ауғанстанның уақытша үкіметі басшысының міндетін атқарушы Абдул Салам Ханафи басқарды.
Келіссөзде делегациялар ортақ шекараның қауіпсіздігін, сондай-ақ халықаралық жүк тасымалы мен транзит саласындағы ынтымақтастықты талқылады. Тараптар сауда-экономикалық және энергетикалық ынтымақтастық мәселелерін де қарастырды.
"Инфрақұрылымдық жобаларды іске асыруға, атап айтқанда, Сурхан-Пули-Хумри электр желісінің құрылысы мен Термез-Мазари-Шариф-Кабул-Пешавар темір жолының құрылысына ерекше назар аударылды" деп хабарлады сырты істер министрлігінің баспасөз қызметі.
Тараптар талқыланған мәселелер бойынша бірқатар келісімдерге қол жеткізген.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір