• USD 468.56

  • EUR 497.56

  • RUB 7.3

  • CNY 67.18

29 Наурыз, 12:22:00
Алматы
+35°
Мәжіліс төрағасы Нұрлан Нығматулин ТМД парламентаралық ассамблеясы кеңесі бас хатшысының орынбасары, Қазақстан Республикасы парламентінің өкілетті өкілі Асхат Жарылқасынұлы Нұсқабайдың мезгілсіз қайтыс болуына байланысты жақындары мен туған-туыстарына орны толмас ауыр қайғыға ортақтасып көңіл айтты.

– Өз атымнан және мәжіліс депутаттарының атынан ТМД парламентаралық ассамблеясы кеңесі бас хатшысының орынбасары - Қазақстан Республикасы парламентінің өкілетті өкілі Асхат Жарылқасынұлы Нұсқабайдың мезгілсіз қайтыс болуына байланысты қайғырып көңіл айтамыз.

Дипломатиялық қызметте мол тәжірибесі бар Асхат Жарылқасынұлы Қазақстан мен Қырғызстанның, Қазақстан мен Ресейдің мемлекетаралық қатынастарын нығайтуға зор үлес қосты. Қазақстан Республикасы парламентінің өкілетті өкілі - ТМД ПАА кеңесі бас хатшысының орынбасары лауазымында ТМД елдері арасындағы парламентаралық ынтымақтастықтың дамуына ықпал етті.

Еліміздің патриот азаматы Асхат Жарылқасынұлы туралы жарқын естеліктер жақындарының жүрегінде мәңгі сақталады – деді, Нұрлан Нығматулин.

Асхат Жарылқасынұлы Нұсқабай 1997 жылдан бері Қазақстан Республикасының Сыртқы істер министрлігі саласында жұмыс істеген.

2017 жылғы қазанда ТМД парламентаралық ассамблеясы кеңесі бас хатшысының орынбасары - Қазақстан Республикасы парламентінің өкілетті өкілі болып тағайындалған.

"Қамшы" сілтейді
Ілмек сөздер: Асхат Нұсқабай

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір